Ilikuwa ni Kesi ya Karne iliyobeba Mvuto mkubwa sana ndani na Nje ya Marekani.Ilifuatiliwa kwa umakini mkubwa na watu mbalimbali duniani. Kesi ya O.J

O.J Simpson ni nani?

O.J Simpsoni aka The Juice alikuwa mchezaji maarufu sana wa american football. mbali na hilo pia alikuwa ni muigizaji na Mtangazaji wa michezo hasa mchezo wa mpira wa miguu wa kimarekani siyo huu tunaoujua wa Brazili,VPL au EPL. alisoma katika chuo kikuu cha southern California ambako ndiko alikoanzia kucheza mpira huo maarufu nchini marekani katika timu ya USC Trojans. pamoja na vituko vingi huyu jamaa alikuwa ni Tajiri na maarufu sana kipindi hicho na alitokea kuanguka kimapenzi na kumuoa dada mmoja Bint wa kizungu aliyekuwa mtoto mbichi kabisa kifua saa sita kipindi hicho akiwa na miaka 18 aliyefahamika kwa jina la Nicole Brown na wakafanikiwa kupata watoto wawili. O.J simpson alipenda sana kujiambatanisha na wazungu. marafiki wake wengi walikuwa ni wazungu wenye pesa au maarufu ingawa pia alikuwa na marafiki weusi. alikutana nao sehemu mbalimbali na hasa alipokuwa akienda kucheza golf n.k

Tukio la Mauaji ya Nicole na R.Goldman.

Tarehe 13 mwezi wa 6 mwaka 1994 Simpson alipigiwa simu kuwa aliyekuwa mkewe nicole brown amekutwa ameuawa nyumban kwake na pia akiwa na mwanaume mwingine ambaye inasemekena alikuwa ni mchepuko au tuseme hawala yake maana alikuwa ameshaachana na O.J. siku hiyo O.J anapigiwa simu alikuwa kwenye safari ya kikazi huko chicago. jamaa akaamua kurudi los angeles mara moja. ingawa hata alipopigiwa simu hakuuliza ameufaje...unajua mara nyingi ukisikia mtu amefariki moja ya maswali muhimu ni amekufaje. na mara aliporudi kwa ajili ya hizo taarifa alikamatwa na kwa muda mfupi akatiwa pinguna kuwekwa kizuizini kutokana na ushahidi ulionesha kuwa O.J anahusika na kifo hicho cha nicole brown na goldman. hivyo akachukuliwa kwa ajili ya kuhojiwa. robert shapiro huyu alikuwa ni jamaa yake O.J akapigiwa simu na kuombwa aje amtetee O.J

Jaribio la kutoroka.

baadaye akaachiwa kwa dhamana. tarehe 17 sikua mbayo alitakiwa akamatwe kwa ajili ya kesi ya mauaji O.J aliamua kutoroka akiwa kwenye gari lake jeupe aina ya Ford Bronco likiendeshwa na rafikiye mweusi A.C Cowlings. inasemekena O.J alikuwa akitaka kutoroka. alifukuzwa na polisi na baadaye akaamua kurudi nyumbani baada ya kushawishiwa sana kuwa arudi nyumban kwake Rockingham. wakati huo shapiro alikuwa nyumbani na jamaa wengine akiwepo Robert Kardashian (huyu baba wa akina Kim Kardashian) ambaye alikuwa rafiki mkubwa sana wa o.j

O.J alipofika nyumban alikamatwa na kupelekwa kizuizini kwa ajili ya kusubiria kesi yake kuendeshwa. maana ushahidi ulionesha kuwa yeye alikuwa mtuhumiwa namba moja. kuna damu ambayo ilikutwa kwenye mlango wa gari lake na pia ndani na pia inaonekana gari lake lilikuwa limetoka na kurudi mida flan ambayo inaonesha ndiyo mauaji yalitokea. pia kulikuwa na gloves ambazo ziliokotwa nyumbani kwake zikiwa na damu. damu ilipoangaliwa kwenye vipimo vya dna ilionesha kuwa ni ya nicole na Ronald Goldman huyu alikuwa ni mhudumu wa bar. inasemekana alikuwa anatoka na nicole ambaye alikuwa ni mtalaka wa o.j.

Kesi kuanza kuandaliwa

yakaanza kutengenezwa mazingira ya kusikiliza kesi ya o.j .ilikuwa kesi iliyojaa shauku kubwa sana na mazingira tata ndani na nje ya mahakama kwa sababu ilikuwa na impact kubwa sana kisiasa na kitamaduni kutokana na kuwa muuaji alikuwa mtu mweusi maarufu na aliyeuawa alikuwa mtu mweupe. hivyo ikawa inaonekana labda ni kwa sababu yeye ni mtu mweusi ndo maana anasingiziwa kesi hiyo. hakimu ilibidi kwa uangalifu sana aanze kukusanya baraza la wazee pia kwa kuzingatia rangi zao. isionekani wamejaa weupe tu kwenye hilo baraza. hakimu aliyepewa jukumu la kusimamia kesi alikuwa ni mmarekani mwenye asili ya Japan.

Kesi yaanza kusikilizwa

july 8 1994 kukawa na kusikilizwa taarifa za awali ili kujua kama kuna ushahidi wa kutosha wa kumtia hatiani O.J Simpson. na Ikaamuliwa na Jaji Kathleen Kennedy Powell kuwa kuna ushahidi wa kutosha kabisa kumfungulia mashtaka O.J kwa kesi ya mauaji. O.J akaletwa kwa pilato (mahakamani kwa ajili ya ufunguzi wa kesi). kama kawaida akaulizwa anasemaje kuhusiana na mashtaka aliyofunguliwa. akasimama kwa kujiamini kabisa akasema kwa asilimia 100 hakuwa na kosa. basi, jaji Lance A. Ito akapewa jukumu la kuiendesha kesi hiyo.

mashahidi mbalimbali wakaanza kuletwa kuhusiana na kesi hiyo. na moja wapo alikua ni dereva wa Taxi ambayo ilienda kumchukua o.j siku hiyo akielekea safarini. dereva huyo anasema alifika muda wa mapema lakini ilibidi asubiri sana kwa sababu oj hakuwepo. na baadaye aliona mtu akitokea nyuma ya nyumba gizani kidogo akiingia ndani kabla ya oj sasa kuja akiwa tayari kwa ajili ya kuelekea uwanja wa ndege. anasema pia mara ya kwanza alipoenda kumwangalia o.j hakuliona gari lake ain ya ford bronco ila badaye alipoenda alilikuta likiwa limepark.

baada ya huyo shahidi wakaja wengine kadhaa na mwishowe akaletwa shahidi ambaye alikuwa ni mpelelezi mark fuhrman. mark fuhrman ndiye aliyekuwa amegundua gloves ambazo zinasemekana zilikuwa ni za o.j na zilikuwa na damu. lakini pia oj alionekana kuwa amejikata kidogo mkononi. na hakuweza kutoa maelezo ya kutosheleza alijiumiza vipi hapo mkononi. na pia damu iliyopimwa kwenye mlango wa gari lake ilionekana ni yake. hivyo ikahisiwa pengine alipoenda kufanya hayo mauaji alijiumiza.

O.J na jopo la Mawakili Wazuri na Marafiki zake.

o.j alikuwa na jopo la mawakili wazuri sana hapo usa.wakiongozwa na Johnnie Cochran pia walikuwepo Robert Shapiro,F. Lee Bailey na Robert Kardashian ( baba ya watoto wakali sana huko nchini marekani pia wenye ukwasi wa kutosha tu ukijumlisha na urembo wao). jopo la mahakama pamoja na mawakili wa o.j wakapanga safari ya kwenda kutembelea nyumban kwa o.j kuangalia mazingira ya upatikanaji wa ushahidi n.k jopo la mahakimu/wazee wa mahakama walikuwa 8 weusi,1 muhispania, wawili mchanganyiko. na katka hao 8 wanawake na 4 wanaume.

Kesi ilirudi tena mahakamni na ikaja kutokea mpelelezi M. Fuhrman amewekwa kwenye kizimba kwa ajili ya kufanyiwa mahojiano na F.L Bailey. na katka mahojiano hayo bailey alimuuliza fuhrman kama amewah kutumia neno la kibaguzi(nigger) katika kipindi cha miaka kumi iliyopita. mpelelezi alikataa kuwa hakuwah kutumia neno hilo na wala yeye si mbaguzi. mawakili wa o.j walianza kutengeneza kesi iwe kama ina conspiracy ili kuwatoa watu kwenye mstari. wakaamua kuingiza pia humo suala la ubaguzi wa rangi kuwa unaweza kuwa ni sababu. na katika kundi la mawakili wa o.j watatu walikuwa wazungu isipokuwa mmoja tu Johnnie.

mgogoro na mgomo mahakamani

kesi ikiendelea kukatokea hali ya sintofahamu wakati ambapo baadhi ya jurors(sifahama hawa kwa kiswahili wataitwaje) walipoanza kupunguzwa kwa vigezo mbalimbali. mawakili wa pande zote mbili walikuwa makini kuangalia katika hao jurors ni akina nani wanaonekana kuwa upande wa pili wa kesi.hivyo wakawa wanafanyiana fitna kwa kutumia vigezo mbalimbali ili hao jurors ambao walionekana kama ni threats kwa upande wao waondolewe.hivyo kukawa kunaletwa ushahidi kuwa juror flan anaonekana ana conflict of interest kwenye kesi hivyo aondolewe. na hii ikaleta changamoto maana jurors wengine wakaamua kufanya mgomo kwa kuvaa nguo nyeusi.

baadaye mambo yakarekebishwa na kesi ikaendelea. kwenye kesi kuna kipindi kulisikika kurushiana maneno makali kuhusiana na ubaguzi baada ya kuhojiwa kwa mpelelezi m.fuhrman na hapo wakili j.cochran ambaye alikuwa akimtetea oj alirushiana maneno makali na christopher darden ambaye naye alikuwa ni mmarekani mweusi lakini akisimama upande wa serikali. na huyu alichukuliwa makusudi na mwanamama marcia wasaidiane ili isonekane wanaotaka o.k afungwe ni wamarekani weupe. hivyo kwa upande wa serikali alikuwepo mwanamama Marcia Clark ambaye alikuwa ni mzungu na pia darden ambaye alikuwa ni mmarekani mwenye asili ya afrika.

baadaye mawakili wa o.j wakaamua kumchimba mpelelezi johnnie fuhrman na ikaonekana alishawah kufanyiwa mahojiano na mwandishi mmoja kipindi cha nyuma. mwandishi huyo alikuwa akitaka kuandika kitabu.

Ushahidi wa gloves zilizotumika kwenye uhalifu

wakili wa serikali bwana darden katika kuthibitisha kuwa muuaji alikuwa ni o.j simpson akamtaka akajaribu zile gloves. zile gloves zilionekana kutomtosha o.j ikaleta hal ya sintofaham mahakamani kuwa inakuaje tena uthibitisho ule kutoka upande wa serikali unaonesha kuwa gloves ambazo zilitumika siku ya tukio zilikuwa ndogo. hii ilileta mkanganyiko upande wa mawakili wa serikali. na ikaleta ile hali ya mwanzo kuwa inawezekana o.j alisingiziwa kwa sababu yeye ni mtu mweusi.

ukaletwa ushahidi wa dna. ambao pia mawakili wa o.j waliupinga kwa hoja kuwa inawezekana nao ulibambikizwa kama ambavyo ilitokea kwa gloves. na hapa walirudia pia ile sehemu ambayo moja ya ushahidi ulioletwa mahakamani ulikuwa ni viatu vya o.j simpson ambavyo soli yake ilionekana kuwa ilikanyaga damu sehemu ya tukio na hivyo kuacha alama. mawakili wa o.j wakamuuliza polisi aliyeleta ule ushahidi kuwa mbona siku ya kwanza ule ushahidi hakuwa umeandikishwa kwenye kitabu cha vithibitisho vya mauaji yale kutendwa na o.j. akasema kuwa siku ile ya kwanza alisahau vile viatu kwenye buti ya gari yake hivyo akaondoka navyo nyumbani. mawakili wa o.j wakamuuliza mara ya mwisho kwenda na vidhibit vya ushahidi nyumbani ilikuwa lini ukiacha siku ile ya viatu vya o.j. yule askari akasema hakumbuki. wakamwambia inawezekana alipoenda navyo nyumban vile viatu alienda kuvitengenezea ushahidi hivyo haviwezi kuchukulika kama ni sehemu ya ushahidi kwa sababi unaonekana kuwa wanataka kumsingizia o.j hivyo wamemtengenezea ushahidi wamfunge.

Ushahidi wa kuwepo viashiria vya ubaguzi wa rangi kwenye kesi.

mawakili wa o.j wakaenda kufuatilia yale mahojiano ya mpelelezi fuhrman na yule mwandishi wa kitabu. wakafanikiwa kupata. katika yale mahojiano mpelelezi alisikika akisema mbaya sana kuhusiana na wamarekani weusi. na alisema kabisa kuwa kuna kipindi huwa anawatafutia hata ushahidi wa uongo ili tu wafungwe maana anawachukia sana na kuwaona kuwa wao ni wahalifu tu kila wakati. aliendelea kuongea maneno ambayo mpaka pia yakamuingiza mke wa jaji ito marchia ambaye aliamua kujitoa kwnye ile kesi hasa bada ya kuona na yeye mke wake amesemwa vibaya na mpelelezi fuhrman hivyo kuendelea na ile kesi kungesababisha iwe na mgongano wa kimaslah. baadaye akashauriwa kuwa kile kipengele chake hakina uhusiano na kesi iliyopo mbele. maana kesi ilihusu mauaji yaliyofanywa na o.j na si suala la ubaguzi wa rangi uliosemwa na mpelelezi. august 15,1995 jaji Ito anabadili mawazo anakubali kuendelea na ile kesi. wanaamua kusikiliza zile tape zenye mahojiano ya Mpelelezi na mwandishi wa vitabu. baadaye wanaamua kuondoa kile kisehemu chenye kumsema mke wa ito wasikilize maneno mengine tu bila baraza kuwepo. baadaye jaji ito anaamuru kuwa ile tape isikilizwe wakiwepo na wazee wa baraza. baadaye anaitwa tena mpelelezi mark fuhrman ambaye safari hii anakataa kuzungumza jambo lolote kwa kukumbusha kuwa ni haki yake kikatiba katika ibara ya 5 ili asijitie matatani au hatiani. hivyo anagoma jambo kujibu jambo lolote.

mawakili wa o.j wakataka kujua kama simpson angeweza kusimama kujitetea mwenyewe. hvyo wakaammua kufanya majaribio ya kumhoji kama vile yupo kizimbani. wakaona asingeweza kujibu maswali vizuri. hivyo wakaiambia mahakama kuwa simpsoni hatojitetea mwenyewe. majaji wanakubali lakini mawakili wa serikali wanapinga. wakimtaka simpsoni ajitetee. lakini inashindikana hivyo simpson hasimamiswhi kizimbani kujitetea.na hii inakuwa pia ahueni kwake maana yule mama marcia alikuwa anamsubiria kwa hamu sana akijua jamaa angejichanganya sehemu flan ambako wangembana huko huko.

wakati kesi ikiendelea kunapotokea mabishano o.j anasimama na kupaza saut yake kuwa sikumuua,nsingeweza kumuua na kamwe nsingeweza kutenda kosa kama hili" aaambiwa akae.

Mpelelezi M.Fuhrman ni nduguye Adolf Hitler

mahakaman majibishano na hisia kali zinatawala na mawakili wawili cochran wa o.j na darden wanaingia tena kwenye mgogoro pale cochran anapomfananisha fuhrman na hitler mbele ya mahakama.
kesi ikaendelea ikifuatiliwa na mamilioni ya watu duniani mpaka siku ya mwisho waznapoenda kupiga kura wazee wa baraza. wengi hasa wa asili ya afrika wanasema kuwa O.J Simpson HANA HATIA. na wazungu wachache wanasema ana hatia. hivyo wengi wape. O.J Anatolewa gerezani na kurudi uraiani.

Athari za matokeo ya kesi kwa wahusika

jambo hili linawaumiza sana Mawakili wa serikali Mama Marcia na Bwana Darden ambao wanaamua kujiuzulu nafasi zao kwa kuwa wanaamini kuwa O.J aliua sema wameshindwa kwa sababu ya teknik tu za kisheria na si kwa kuwa O.J si mhalifu. inawaumiza sana wanaamua kujiuzulu nafasi zao.

R.Kardashian anajisikia kuwa na hatia kwa kumtetea O.J maana anaanza kuamini kuwa ni kweli O.J alimuua Nicole wanapoteza urafiki wao kwanzia hapo hawawasiliani tena. O.J anakuwa huru kila mtu anashika hamsini zake.

Kunguru Hafugiki na sikio la kufa halisikii dawa.

baadaye mwaka 1997 anakuja tena kukutwa na kosa la pale kesi hi inapofunguliwa upya na anatakiwa kulipa dollar 33,500,000 kwa familia za marehemu. kana kwamba haitoshi anafanya tena uhalifu.akaendelea na uhalifu mwingine mwingi na kujikuta mpaka sasa yupo ndani ispokuwa mwaka 2017 anaweza akasikilizwa kwenye kamati ya parole kuangaliwa anafaa kuachiwa au aendelee kukaa ndani. ni wazi kuwa jamaa ile dhambi ya damu ya wale watu iliendelea kumtafuta pamoja na kuwa alishinda ile kesi mara ya kwanza kwa kuingiza maswala ya ubaguzi n.k ila ni wazi kuwa jamaa ni mhalifu. hii ni kesi iliyovuma sana kwenye vyombo vya habari miaka hiyo ya 90. ikifahamika kama kesi ya O.J Simpsoni dhidi ya Wananchi.

tutaendelea kuwasiliana tena katika kesi na matukio mbalimbali. inawezekana kukawa na makosa madogo madogo ya kiuandishi basi katika hilo nitahitajitu niaptiwe ghofilo yaani msamaha na lisiwatoe kwenye kisa chenyewe

Joseph Mungai enzi za uhai wake

Habari za kushtusha toka chanzo cha kuaminika Hospitali ya Muhimbili kinathibitisha aliyewahi kuwa waziri wa Elimu ndugu Joseph Mungai na Mbunge wa Mufindi amefariki dunia.!

Geofrey Mungai mtoto wa Marehemu amesema marehemu alipelekwa hospitali ya Taifa Muhimbili baada ya kuanza kutapika mfululizo na kudhaniwa kwamba alikuwa amekula kitu kibaya.

Joseph James Mungai alizaliwa tarehe 24 Oktoba 1943

Tasnia ya ufugaji wa samaki inajumuisha ukuzaji wa viumbe vya kwenye maji (bahari na maji baridi) katika mazingira tofauti na yale ya asili. Lengo kuu ni kukuza kwa muda mfupi ili kujipatia lishe, kipato na kutunza mazingira ya bahari, mito, maziwa nk.

Aina ya ufugaji

Zifuatazo ni aina/level za ufugaji ambazo mkulima anaweza kufanya kulingana na malengo na uwezo wake:

1. Huria (Extensive farming)

Idadi ya samaki wanaopandikizwa: samaki 2-3 kwa mita ya mraba
•Samaki hutegemea chakula cha asili (mimea ya majini-phytoplankton, wadudu/viumbe vidogo vya majini-zooplankton), Hauitaji ubadilishaji wa maji, Hauihitaji huduma ya ziada ya hewa

2. Kati ya huria na nusu shadidi (Modified extensive)  Idadi ya samaki, 4-7 kwa mita ya mraba

• Chakula cha asili na chakula cha ziada huitajika
• Maji hubadilishwa sentimenta 10-20 kila baada ya 3-4weeks kulingana na hali ya samaki na maji yako
• Huduma ya hewa ya ziada sio ya ulazima

3. Nusu shadidi (Semi-intensive)

• Idadi ya samaki kwa mita ya mraba ni 10-25
• Chakula cha asili na cha ziada
• Huduma ya hewa ya ziada lazima
• Maji hubadilishwa kila siku au kila baada ya siku kadhaa (15-25 cm)

4. Shadidi (Intensive)

• Idadi ya samaki ni zaidi ya 25 kwa mita ya mraba
• 100% chakula cha kutengenezwa
• Maji ni kuingia na kutoka
• Hewa ya ziada masaa yote
• Eneo linalotumika ni dogo ukilinganisha na mifumo mingine

Miundombinu ya ufugaji

Samaki wanaweza kufugwa katika miundombinu mbalimbali kama ifuatayo:
•
Bwawa
• Kina 0.8-1.5m
• Ukubwa 100 mita za mraba- 1ha

• Matanki

Umbo-mstatili au mviringo nk
Kina 1-1.5m
Kipenyo kwa lile la mduara 3-10m
Ukubwa kwa la mstatili inategemea na uwezo lakini lisiwe kubwa ili kuhimili nguvu ya maji
Materials: Plastic, cement, chuma nk
NB: Simtank linafaa( Faida inapatikana kama utalitumia kwa intensive system)

Vizimba (Fish cages)

Huwekwa katika maji ya asili kama vile ziwani, baharini au katika bwawa. Vipo vinavyoundwa kwa local materials kama mianzi na vipo vya aluminium.

Eneo linalofaa kwa ufugaji

Baadhi ya maeneo yanayofaa ni yale mashamba ya mpunga, na maeneo yaliyo karibu na vyanzo vya maji. Zifuatazo ni sifa za maeneo yanayofaa:

1. Udongo: Mfinyanzi husaidia kupunguza gharama za ujenzi wa bwawa na maji kwakuwa linaweza kutuamisha maji na kuruhusu maji yasipotee. Likiwa la kichanga bwawa ni lazima lijengewe au kuwekwa nylon sheet ili kuzuia upotevu wa maji. Unaweza ukahamisha udongo wa mfinyanzi kutoka sehemu moja hadi nyingine ili kuzuia upotevu wa maji (muone mtaalamu kwa ushauri zaidi juu ya mbinu ya kuhamisha udongo).

2. Chanzo cha maji ya uhakika
Eneo liwe na maji ya uhakika. Vyanzo vya maji ni kama vile mito, bahai, maziwa, chem chem., kisima, maji ya dawasco na mvua. Maji yasiwe na kemikali hatarishi kwa viumbe.

3. Miundombinu ya barabara: Inasaidia kwa ajili ya usafirishaji wa bidhaa na samaki wakati wa kuvuna.
4. Eneo lisiwe na historia ya mafuriko ili kuzuia athari za mafuriko kwa miundombinu yako. Utatumia gharama nyingi katika kuimarisha miundombinu yako.Jamii/aina ya samaki
5. Eneo lenye mwinuko wa wastani husaidia katika ujenzi wa bwawa.
6. Miundombinu ya umeme ni sifa ya ziada hususan kwa mkulima wa kati na wajuu kwa ajili ya kutumika katika kuendesha visambaza hewa.
7. Ulinzi muhimu

Note: Aina ya eneo lako ndilo linaweza kukufanya uchague muundombinu gani wa kufugia utumie

Aina ya samaki unaoweza kufuga Tanzania kwa sasa

Maji baridi

Sato/perege, Kambale, Kambamiti wa maji baridi na Trout (maeneo ya baridi kama vile Iringa, Kilimanjaro Arusha na Mbeya) na samaki wa mapambo.

Maji bahari

Kambamiti wa maji bahari, mwatiko, chewa, kaa, chaza wa lulu

Upatikanaji wa Vifaranga vya samaki husika

Vyanzo vya vifaranga ni kutoka katika mito, bahari, maziwa na wale wa kuzalishwa katika vituo vya kuzalishia vifaranga.

Sato na Kambale

Vituo vya serikali Utapata sato wa kike na kiume mixed sex). Kingolwira –Morogoro, LuhiraSongea, Mbegani-Bagamoyo . Kifaranga huuzwa Tsh. 50-100 kwa kifaranga.
Trout
Mayai huagizwa toka Marekani, Israel
Kambamiti wa baharini Alphakrust –Mafia.

Chakula cha samaki

Chakula cha asili

Hurutubishwa kwa mbolea ya wanyama kama vile kuku, ngombe, mbuzi nk. Kwa kiwango cha 1000kg/ha. Mbolea ya kuku ni kali hivyo unaweza punguza ikawa 250-500kg/ha.

Chakula cha kutengeneza

Samaki huitaji protein ili akuwe na kila samaki ana mahitaji yake hivyo ni species specific. Formula zipo kwa wale wanaotaka kutengeneza. Tanzania hakuna kiwanda kinachotengeneza. Ingredients zake ni kama vile dagaa, pumba, soya, unga wa ngano, unga wa muhongo nk.

Uvunaji

Kwa kawaida ni miezi 4-6 amabapo unapata 250-400g kulingana na ulishaji wako. Kwa prawns ni miezi 3-6 wanafikia 30-50g ambayo ni ukubwa wa soko.

Tathmini ya uchumi

Perege/sato Mfano:

Ukubwa wa bwawa ni 20m by 30m= 600 mita za mraba
Idadi ya samaki (7 kwa mita ya mraba) kwa monosex tu= 600 x 7=4200 fish
Uzito hadi kuvuna (4-6months)- 250g= 4200 x 250g= 1050kg (Nimesha convert gram to kg) Bei kwa kilo ni 6000-8000 kulingana na mahali= 6milion-8milion.

Gharama unazoweza kutumia

Ujenzi wa bwawa
Kuchimba kwa vibarua ni 500,000-600,000
Kuchimba kwa machine ni 1,000,000-1,500,000 kulinganana mahali ulipo

Kama udongo ni kichanga itabidi ujengee (kujengea ni gharama na inaweza ikafika 3.5-4m kwa gharama zote kuanzia kuchimba hadi kujengea).

Chakula cha kutengeneza tani 1 inaweza kugharimu laki 7-9. Hapa ili uweze kuzalisha tani 1 ya samaki aina ya perege utahitaji tani 1-1.5 ya chakula.
Gharama ya vibarua 150,000-250,000 kwa mwezi.
Utakuwa na gharama ya chokaa kwa ajili ya kuua vidudu (laki 100,000-200,000), mbolea kuzalisha chakula cha asili (gharama ni 50,000).

Jinsi ya kuhudumia bwawa, kuandaa chakula nitaandaa tips zingine.

Mbuzi na kondoo wanaweza kufugwa kwa gharama nafuu na kuishi katika mazingira magumu kama ya maradhi na ukame ikilinganishwa na ng’ombe. Kutokana na umbile lao dogo wanaweza kufugwa katika eneo dogo na pia wanaweza kuhudumiwa na familia yenye nguvukazi na kipato kidogo. Uzao wa muda mfupi unamwezesha mfugaji kupata mbuzi/kondoo wengi kwa kipindi kifupi.
Wanyama hao hufugwa kwa ajili ya nyama, maziwa, ngozi, sufu na mazao mengine kwa matumizi ya familia na kuongeza kipato.
 Ufugaji bora wa mbuzi na kondoo uzingatie kanuni zifuatazo:-
i) Wafugwe kwenye banda au zizi bora,
ii) Wachaguliwe kutokana na sifa za koo/aina na lengo la uzalishaji (nyama, maziwa au sufu),
iii) Wapatiwe lishe sahihi kulingana na umri na mahitaji ya mwili,
iv) Kuzingatia mbinu za kudhibiti magonjwa kama inavyoshauriwa na mtaalam wa mifugo,
v) Kuweka na kutunza kumbukumbu sahihi za uzalishaji; na
vi) Kuzalisha nyama, maziwa au sufu yenye ubora unaokidhi mahitaji ya soko

Zizi au Banda la Mbuzi/Kondoo
Mbuzi/kondoo wanaweza kufugwa katika mifumo ya huria, shadidi na kwa kutumia njia zote mbili. Zizi hutumika katika mfumo huria ambapo mbuzi/kondoo huchungwa wakati wa mchana na kurejeshwa zizini wakati wa usiku. Zizi bora ni lile lenye sifa zifuatazo:-


• Lililo imara linaloweza kumkinga mbuzi/kondoo dhidi ya wanyama hatari na wezi,
• Lililojengwa mahali pa mwinuko pasiporuhusu maji kutuama,
• Ukubwa wa zizi uzingatie idadi na umri wa mifugo. Ni vema mbuzi/kondoo watengwe kulingana na umri wao; na
• Liruhusu usafi kufanyika kwa urahisi.
Pale ambapo mbuzi/kondoo wanafugwa kwa mfumo wa shadidi hufugwa katika
banda wakati wote. Banda bora la mbuzi/kondoo linatakiwa kuwa na sifa
zifuatazo:-
• Imara, lenye uwezo wa kuwahifadhi kiafya na pia dhidi ya hali ya hewa
hatarishi kwa mfano jua kali, upepo, baridi na mvua pamoja na wanyama
hatari,
• Lenye mwanga, hewa na nafasi ya kutosha inayoruhusu usafi kufanyika
kwa urahisi,
• Lijengwe sehemu isiyoruhusu maji kutuama na liwe mbali kidogo na
nyumba ya kuishi watu. Pia ujenzi uzingatie mwelekeo wa upepo ili hewa
kutoka bandani isiende kwenye makazi,
• Liwe na sakafu ya kichanja chenye urefu wa mita 1 kutoka ardhini (Kwa
banda la mbuzi),
• Liwe na sehemu ya kuwekea chakula, maji na mahali pa kuweka jiwe la
chumvichumvi; na
• Liwe na vyumba tofauti kwa ajili ya majike na vitoto, mbuzi/kondoo wanaokua, wanaonenepeshwa na wanaougua.
Vifaa vya Kujengea na Vipimo vya Banda
Inashauriwa banda la mbuzi/kondoo lijengwe kwa kutumia vifaa vinavyopatikana
kwa urahisi katika eneo husika. Ukubwa wa banda utategemea idadi yabuzi/kondoo wanaofugwa humo na ukubwa wa umbo
• Paa lijengwe kwa kutumia vifaa kama miti, mbao, na kuezekwa kwa nyasi,
makuti, majani ya migomba, mabati au hata vigae kwa kutegemea uwezo
wa mfugaji,
• Kuta zijengwe kwa kutumia mabanzi, mbao, nguzo, wavu wa waya, fito na
matofali. Kuta ziwe imara zinazoruhusu hewa na mwanga wa kutosha.
Mlango uwe na ukubwa wa sentimita 60 x 150,
• Sakafu inaweza kuwa ya udongo au zege. Sakafu ya kichanja inaweza
kujengwa kwa kutumia miti, fito, mianzi, mbao au mabanzi na iweze
kuruhusu kinyesi na mkojo kupita. Chumba cha majike na vitoto kiwe na
nafasi ya sentimita 1.25 kati ya papi na papi, fito na fito au mti hadi mti.
Chumba cha mbuzi/kondoo wakubwa iwe sentimita 1.9 kati ya mbao na
mbao.
Uchaguzi wa Mbuzi/Kondoo wa Kufuga
Madhumuni ya kuchagua mbuzi au kondoo wa kufuga ni kuboresha uzalishaji na
kuendeleza kizazi bora. Kuna aina nyingi za mbuzi/kondoo wanaoweza kufugwa
kulingana na mazingira na mahitaji ya mfugaji. Uchaguzi hufanyika kwa kuangalia
umbile, uzalishaji na kumbukumbu za wazazi kama vile umbo kubwa, ukuaji wa
haraka, uwezo wa kutunza vitoto na kutoa maziwa mengi.
Mbuzi wanaofaa kwa ajili ya maziwa ni aina ya Saanen, Norwegian na Toggenburg pamoja na chotara wao.
Mbuzi wanaofaa kwa ajili ya nyama ni Boer na chotara wao, mbuzi wa asili kama
vile Pare white, Newala na Ujiji. Mbuzi aina ya Malya (Blended) wanafaa kwa ajili
ya nyama na maziwa.

Aidha, kondoo aina ya Black Head Persian (BHP), Masai red, Suffolk na Hampshire wanafaa kufugwa kwa ajili ya nyama. Merino na Lincoln hufugwa kwa ajili ya sufu, wakati Corriedale na Romney hufugwa kwa ajili ya nyama na sufu. Hapa Tanzania kondoo wanaopatikana kwa wingi ni Black Head Persian, Masai Red Dopper na kondoo wengine wa asili.
Mbuzi/kondoo jike wanaofaa kwa ajili ya kuzalisha maziwa na nyama wawe na sifa
zifuatazo:-

• Historia ya kukua upesi, kuzaa (ikiwezekana mapacha) na kutunza vitoto
vizuri,
• Umbo la mstatili linaloashiria utoaji wa nyama nyingi; na
• Asiwe na ulemavu wa aina yoyote
Sifa za Ziada kwa Mbuzi wa Maziwa
• Awe na miguu ya nyuma iliyo imara na iliyonyooka na yenye nafasi kwa ajili ya kiwele; na
• Awe na kiwele kikubwa na chuchu ndefu zilizokaa vizuri
Sifa za Dume
Dume bora awe na sifa zifuatazo:-
• Miguu iliyonyooka, imara na yenye nguvu,
• Asiwe na ulemavu wa aina yoyote,
• Mwenye uwezo na nguvu ya kupanda; na
• Mwenye kokwa mbili zilizo kaa vizuri na zinazolingana
Angalizo: Dume lichaguliwe kwa makini kwa sababu “dume ni nusu ya kundi”.
Utunzaji wa Vitoto vya Mbuzi/Kondooa
Utunzaji huanza mara tu baada ya kuzaliwa.
Mfugaji ahakikishe:-
• Kitoto cha mbuzi/kondoo kinapata maziwa ya mwanzo (dang’a) ndani ya
masaa 24 tangu kuzaliwa na kwa muda wa siku 3,
• Kama kinanyweshwa maziwa, kipewe lita 0.7- 0.9 kwa siku. Maziwa haya, ni
muhimu kwani yana viinilishe na kinga dhidi ya magonjwa,
• Iwapo mama hatoi maziwa au amekufa, inashauriwa kutengeneza dang’a
mbadala au kama kuna mbuzi/kondoo mwingine aliyezaa anaweza kusaidia
kukinyonyesha kitoto hicho,
• Kitoto cha mbuzi/kondoo kiendelee kunyonya kwa wiki 12 - 16. Wiki 2 baada
ya kuzaliwa, pamoja na maziwa, kianze kupewa vyakula vingine kama nyasi
laini na chakula cha ziada ili kusaidia kukua kwa tumbo. Aidha, kipewe maji
wakati wote,
• Vyombo vinavyotumika kulishia vinakuwa safi muda wote,
• Kitoto cha mbuzi/kondoo kiachishwe kunyonya kikiwa na umri wa miezi 3 hadi
4 kutegemea afya yake; na
• Vitoto vipatiwe kinga na tiba ya magonjwa kulingana na ushauri wa mtaalam wa mifugo.
Matunzo Mengine
Utambuzi
Mbuzi huwekewa alama ili atambulike kwa urahisi na kuwezesha utunzaji wa kumbukumbu zake. Shughuli hii hufanyika kwa mbuzi/kondoo akiwa na umri wa
siku 3 - 14. Njia zitumikazo ni pamoja na:
• Kuweka alama sikioni kwa kukata sehemu ndogo ya sikio,
• Kumpa jina kwa wafugaji wenye mbuzi wachache,
• Kumvisha hereni ya chuma au plastiki yenye namba kwenye sikio,
• Kumvalisha mkanda wenye namba shingoni; na Kuweka namba kwa kuunguza sehemu ya ngozi ya mbuzi. Pale mfugaji anapotumia njia hii inashauriwa aweke alama kwenye eneo ambalo halitaathiri ubora wa ngozi
Kuondoa vishina vya pembe
Mbuzi/kondoo aondolewe vishina vya pembe akiwa na umri kati ya siku 3 hadi 14.
Visipoondelewa hukua na kusababisha kuumizana na kuhitaji nafasi kubwa
kwenye banda. Kazi hii ifanywe na mtaalam wa mifugo.
Kuhasi
Vitoto vya mbuzi/kondoo ambavyo havitatumika kwa ajili ya kuendeleza kizazi
vihasiwe kabla ya kufikia umri wa miezi 3. Kazi hii ifanywe na mtaalam wa mifugo.
Utunzaji wa Mbuzi/Kondoo wa Miezi 4 - 8
Mbuzi wa miezi 4 mpaka 8 ni wale ambao wameacha kunyonya mpaka umri wa
kupandishwa kwa mara ya kwanza. Mbuzi wa umri huu wana uwezo wa kula aina
mbalimbali za malisho kama nyasi, mikunde, miti malisho na mabaki ya mazao
wakati kondoo hupendelea zaidi nyasi fupi. Wakati wa kiangazi huhitaji kupatiwa
chakula cha ziada au kupewa pumba za nafaka mbalimbali, mashudu ya alizeti,
pamba na dengu, majani ya mikunde yaliyokaushwa, madini na vitamini.
Katika ufugaji huria ni vema kuzingatia idadi ya mbuzi/kondoo inayoweza
kuchungwa katika eneo, aina na hali ya malisho.
Ili mbuzi/kondoo aweze kukua na kufikia uzito wa kuchinjwa/kupevuka mapema,
mfugaji anapaswa kufuata kanuni za ufugaji bora zifuatazo:-
• Kumpatia vyakula vya ziada kwa muda wa miezi 2 mfululizo kiasi cha kilo 0.2 –
0.7 kwa siku kuanzia anapoachishwa kunyonya,
• Kumpatia dawa ya kuzuia minyoo kila baada ya miezi 3 na kutoa kinga za
magonjwa mengine kama itakavyoshauriwa na mtaalam wa mifugo, Kuchanja na kuogesha ili kuzuia magonjwa mbalimbali,
• Kukata kwato mara zinapokuwa ndefu; na
• Kuhasi madume yasiyotumika kuzalisha.
Umri wa Kupandisha Mbuzi/Kondoo
Mbuzi/kondoo wakitunzwa vizuri wanaweza kupandishwa wakiwa na umri wa miezi 8 hadi 12 kwa mbuzi/kondoo walioboreshwa na miezi 18 hadi 24 kwa mbuzi wa asili kutegemea afya yake. Hata hivyo, inashauriwa wapandishwe wanapofikia uzito wa kilo 12 au zaidi na wasipandishwe mbuzi/kondoo wa ukoo mmoja.
Dalili za joto
Mfugaji anashauriwa asimpandishe jike kabla hajafikisha umri wa kupandwa wa miezi 8 hadi 12 kwa mbuzi/kondoo walioboreshwa na miezi 18 hadi 24 kwa mbuzi
wa asili hata kama ataonyesha dalili ya kuhitaji dume. Mbuzi/kondoo aliyezaa anaweza kupandishwa siku 30-60 baada ya kuzaa. Mbuzi/kondoo aliyeko kwenye
joto huonyesha dalili zifuatazo:-
• Hutingisha/huchezesha mkia,
• Hupanda na kukubali kupandwa na wengine,
• Hutoa ute mweupe ukeni,
• Huhangaika mara kwa mara na kupiga kelele,
• Hufuata madume,
• Hamu ya kula hupungua,
• Hukojoa mara kwa mara,
• Uke huvimba na huwa mwekundu kuliko ilivyo kawaida; na
• Kwa mbuzi anayekamuliwa hupunguza kiwango cha maziwa


Mbuzi/kondoo apelekwe kwa dume mara tu dalili za joto zinapoonekana kwani
joto hudumu kwa wastani wa siku 2 (saa 48). Chunguza tena dalili za joto baada
ya siku 19 hadi 21 na kama dalili hazitaonekana tena kuna uwezekano mkubwakuwa mbuzi/kondoo amepata mimba. Mfugaji apange msimu mzuri wa
mbuzi/kondoo kuzaa. Msimu mzuri ni mara baada ya mvua.
Utunzaji wa Mbuzi/Kondoo Mwenye Mimba
Kwa kawaida mbuzi/kondoo hubeba mimba kwa muda wa miezi 5. Utunzaji wa
mbuzi/kondoo mwenye mimba ni muhimu kwani ndiyo chanzo cha kupata vitoto
vyenye afya bora. Mfugaji anashauriwa kufuata kanuni zifuatazo:
• Apatiwe vyakula vya ziada kilo 0.2 – 0.7 kwa siku ili kutosheleza mahitaji yake na kitoto kinachokua tumboni,
• Apatiwe nyasi, miti malisho na mikunde mchanganyiko kilo 1.8 – 2.5 kwa siku.
Dalili za Mbuzi/Kondoo Anayekaribia Kuzaa
• Huhangaika kwa kulala na kuamka mara kwa mara,
• Sehemu ya nje ya uke hulegea,
• Hujitenga na kundi na hutafuta sehemu kavu na yenye kivuli,
• Hupiga kelele; na
• Hutokwa na ute mzito ukeni.
Mfugaji akiona dalili hizi anashauriwa asimruhusu mbuzi/kondoo kwenda machungani, bali amtenge kwenye chumba maalum, ampatie maji ya kutosha na
kumuandalia sehemu ya kuzalia.

Utunzaji wa Mbuzi/Kondoo Anayenyonyesha
Mbuzi/kondoo anayenyonyesha huhitaji chakula kingi zaidi ili kukidhi mahitaji ya
mwili na kuzalisha maziwa kwa ajili ya kitoto/vitoto. Pamoja na nyasi, mikunde na
majani ya miti malisho kilo 1.8 – 2.5 kwa siku ni muhimu apewe chakula cha
nyongeza kilo 0.3 – 0.8 kwa kila lita ya maziwa inayoongezeka baada ya lita 2 na
maji safi, salama na ya kutosha wakati wote.

Taratibu za Kuzingatia Katika Ukamuaji wa Mbuzi wa Maziwa
Lengo la ufugaji wa mbuzi/kondoo wa maziwa ni kupata maziwa mengi, safi na
salama pamoja na mazao yatokanayo na maziwa. Mambo muhimu ya kuzingatia
ni:-
• Sehemu ya kukamulia iwe safi na yenye utulivu,
• Mbuzi/kondoo awe na afya nzuri, msafi, na kiwele kioshwe kwa maji safi ya
uvuguvugu,
• Mkamuaji asibadilishwe badilishwe awe msafi, mwenye kucha fupi na asiwe
na magonjwa ya kuambukiza,
• Vyombo vya kukamulia viwe safi; na
• Maziwa ya mwanzo kutoka kila chuchu yakamuliwe kwenye chombo maalum (strip cup) ili kuchunguza ugonjwa wa kiwele.
Utunzaji wa Dume Bora la Mbegu
Dume bora la mbegu ni muhimu litunzwe ili liwe na uwezo wa kutoa mbegu bora,
kupanda na kuzalisha. Dume bora huanza kupanda akiwa na umri kati ya miezi.8 -
10 kwa mbuzi walioboreshwa. Katika msimu wa kupandisha dume moja liruhusiwe
kupanda majike 40 hadi 50. Aidha, inashauriwa madume wenye umri wa miezi 8 –
9 waruhusiwe kupanda majike ambao ndio mara ya kwanza kupandwa.
Dume apatiwe:-
• Malisho ya kutosha na vyakula vya ziada kiasi kisichopungua kilo 0.2 – 0.7
kwa siku na maji ya kutosha,
• Majani ya miti malisho, mikunde na nyasi mchanganyiko na mabaki ya mazao; na
• Kilo 0.45 hadi 0.9 za chakula cha ziada za nyongeza kwa siku kulingana na uzito wake na wingi wa majike anayopanda.wiki 2 kabla na baada ya kuanza kupanda.

KWANZIA LEO NDUGU MSOMAJI NTAKUWA NAKULETEA MAKALA MBALIMBALI KUHUSU NYIA MBALIMBALI ZA KUKIKWAMUA KIUCHUMI
MBINU, PAMOJA NA KAZI MBALIMBALI UNAZOWEZA KUZIFANYA ILI UONDOKANE NA UMASKINI NA MAWAZO POTOFU YA KUPENDA KUAJIRIWA

• EMBU FIKIRIA UNAONAJE KAMA UTAKUWA UNAJIPANGIA MSHAHARA WAKO MWENYEWE 
• UNAONAJE UKIJIITA BOS BADALA YA KUITA BOSI

HALI YA HEWA

UPANDAJI

UANGALIZI

MAUA NA MATUNDA

UVUNAJI MATIKITI

MAGONJWA NA WADUDU

1. 
   

   
   
   TANZANIA inakabiliwa na changamoto ya kuwa na idadi kubwa ya wanafunzi wanaomaliza elimu ya msingi bila kujengewa vyema stadi za kujua kusoma, kuandika na kuhesabu (KKK). Pichani hapo juu ni shule ya msingi Ndonga Wilayani Nyasa mkoani Ruvuma na hapa ni wanafunzi wa darasa la tatu wakisomea mazingira haya, hali hii inachangia utoro na kuongeza idadi ya wajinga nchini.
   
   Changamoto hiyo inasababisha kuwepo kwa ongezeko la wahitimu wa elimu ya msingi wanaohitimu ngazi hiyo ya elimu bila kuwa na stadi za KKK hali inayochangia kuwepo kwa ongezeko la idadi ya wajinga nchini na hivyo nchi kukosa maarifa na kusababisha ongezeko la umasikini miongoni mwa jamii yetu.
   
   Kwa mfano, mwaka 2012, Wilaya ya Mbarali, Mkoa wa Mbeya, ilitajwa kuwa na wanafunzi zaidi ya 11,000 waliohitimu ngazi ya elimu ya msingi bila kujua kusoma, kuandika na kuhesabu.
   
   Kwa upande wake, taarifa ya Idara ya Elimu ya Watu Wazima wilayani Tunduru, Mkoa wa Ruvuma, inasema asilimia 27 ya watu wazima wilayani humo, sawa na watu 32,333 ya watu wote wa wilaya hiyo wanaokadiriwa kufikia 118,083, walikuwa hawajui kusoma, kuandika na kuhesabu mwaka 2011.
   
   Utafiti uliofanywa mwaka huo huo wa 2011 na taasisi moja binafsi nchini katika shule za sekondari Namatuhi na Ndongosi, zilizoko Kata ya Muhukuru, wilayani Songea, Ruvuma, ulionyesha kwamba karibu nusu ya wanafunzi wote wa shule hizo walikuwa hawajui kusoma, kuandika na kuhesabu.
   
   
   
   
   Wanafunzi kuendelea kusomea katika vibanda kama hivi Taifa litaendelea kuwa na idadi kubwa ya watu wajinga
   
   Katika tafiti mbalimbali za aina hiyo, imekuwa ikibainishwa kwamba idadi wanafunzi wanaojiunga na masomo ya kidato cha kwanza katika mikoa mbalimbali nchini, wastani wa wanaojiunga na ngazi hiyo ya elimu bila kuwa na stadi hiyo ya KKK ni kati ya wanafunzi 200 na 400.
   
   Takwimu hizi zimetokana na Taarifa za Taasisi ya Elimu Tanzania (TET) zilizokusanywa katika mikoa Tanzania Bara katika miaka ya hivi karibuni. Tangu nchi hii ipate Uhuru mwaka 1961, historia inaonyesha kwamba yapo mambo mengi mazuri yaliyofanyika katika utekelezaji wa Sera na Mipango ya Elimu ya Watu Wazima (EWW)

watu wengi hua mnasikia terminologies yani 2G, 3G Mara H, H+ au E etc, Je, maana yake ni nini kwenye network?

Kwa kifupi ni speed zinazotumika kusafirisha data kwenye internet ambapo zinatofautiana uwezo kutokana na teknolojia:

1. Neno G inasimama badala ya GPRS (General Packet Radio Service) na ndio first generation ya mobile phone technology.
Hua inamaanisha spidi ya internet yako ni ndogo sana (86kbps)

2. Neno E inasimama badala ya EDGE (Enhanced Data Rates for GSM evolution) hua inamaanisha speed ya internet yako ni ndogo ila ina afadhali kidogo kuliko G(236kbps)

EDGE SIGN

3. Neno 2G (Second Generation)
Ni generation ya pili ya mobile phone technology ambayo nayo inatumia GPRS system lakini speed yake ni kubwa kidogo than letter G, (154kbps) ila ni ndogo than letter E yaani ipo katikati ya G na E.

4. Neno 3G (Third Generation of mobile technology)
Inatumia UMTS & imebase kwenye GSM system, na ina speed kubwa kuliko hizo (speed yake 386kbps)

5. Neno H inasimama badala ya HSPA (High Speed Packet Access)
Ni muendelezo baada ya 3G ambayo ina speed kubwa (like 3.2 Mbps)

6. Neno H+ inasimama badala ya enhanced HSPA, Yaani hii ina speed kubwa zaidi ya H kama nilivyoielezeainauwezo wa kutransfer data up to 7.2 Mbps, ndio inayotumika kwenye simu nyingi nowadays.
7. Neno 4G (Fourth Generation of Mobile phone Technology) pia inajulikana kwa jina la LTE (Long Term Evolution).
Model hii ndio current kwa sasa ambayo inatumia H+so itakuwa na speed kubwa zaidi (like 14.4mbps to 21mbps)

8. Neno WCDMA inasimama badala ya Wide-band Code-division Multiple Access.
Inatumia teknolojia ya 3G ila imeongezewa GSM ambayo inaiongezea speed ya kusafirisha data na ndiomaana simu nyingi zimeitumia kabla ya kuja kwa 4G